Indiramma Housing Scheme: Indiramma indlu – ఇందిరమ్మ ఇల్లు మంజూరైందా.. లేదా ? ఇలా తెలుసుకోండి..! తెలంగాణలో రేవంత్ రెడ్డి సర్కార్ ఇందిరమ్మ ఇండ్ల పంపిణీ ప్రక్రియను ప్రారంభించిన విషయం తెలిసిందే. జనవరి 26వ తేదీన రిపబ్లిక్ డే సందర్భంగా ఇందిరమ్మ ఇళ్ల పథకాన్ని ప్రారంభించిన రేవంత్ రెడ్డి ప్రభుత్వం.. అంతకుముందే అర్హుల జాబితాను ప్రకటించింది. అయితే.. గ్రామ సభల్లో ప్రకటించిన జాబితాల్లో చాలా మంది అర్హుల పేర్లు రాకపోవటంతో.. మళ్లీ దరఖాస్తు చేసుకునే అవకాశాన్ని కూడా కల్పించింది. ఆన్‌లైన్‌ వేదికగా ఇందిరమ్మ ఇళ్లకు దరఖాస్తు ప్రక్రియ ప్రారంభించగా.. క్షేత్రస్థాయిలో సర్వేలు చేసి రిపోర్టులు పంపించగా చాలా మంది ఇండ్లు మంజూరయ్యాయి. అయితే.. మంజూరైన విషయం గానీ, ఏ జాబితాలో పేరు ఉందన్న విషయం చాలా మందికి తెలియక ఆందోళన చెందుతున్నారు.

కాగా.. ఇందిర‌మ్మ ఇండ్ల కోసం ద‌ర‌ఖాస్తు చేసుకున్న అభ్యర్థులు.. త‌మ ద‌ర‌ఖాస్తు ఏ దశలో ఉంది..? క్షేత్రస్థాయిలో స‌ర్వే చేశారా లేదా..? ఇల్లు మంజూరైందా.. లేదా..? మంజూరైన ఇల్లు ఎల్‌-1, ఎల్‌-2, ఎల్‌-3 జాబితాలో ఉందా..? ఒకవేళ మంజూరు కాకపోతే.. ఏ కారణం చేత ఇల్లు మంజూరు కాలేదు..? అనే వివరాలు ఆన్‌లైన్‌ ద్వారా సులువుగా తెలుసుకునే అవకాశం కల్పించింది ప్రభుత్వం. ఇందుకోసం రేవంత్ రెడ్డి సర్కార్ పటిష్టమైన వ్యవస్థ ఏర్పాటు చేసింది.

ఎలా చెక్ చేసుకోవాలంటే..

Indiramma indlu – ఇందిరమ్మ ఇల్లు మంజూరైందా.. లేదా ? ఇలా తెలుసుకోండి..!

• https://indirammaindlu.telangana.gov.in వెబ్‌సైట్‌ ఓపెన్ చేసి.. అందులో “గ్రీవెన్స్ స్టేట‌స్‌” సెలెక్ట్ చేయాలి.
• అక్కడ సెర్చ్‌లోకి వెళ్లి ఆధార్‌ నెంబర్/ ఫోన్‌ నెంబర్/ రేషన్‌ కార్డు నెంబర్‌ ఎంటర్ చేయాలి.
• నెంబర్‌ ఎంటర్ చేసి ఓకే చేయగానే.. ద‌ర‌ఖాస్తుకు సంబంధించిన అన్ని వివ‌రాలు కనిపిస్తాయి.

ఇల్లు మంజూరైందా లేదా.. ఏ లిస్టులో వచ్చింది.. ఏ దశలో ఉంది.. ఇలా అన్ని అంశాలు ఉంటాయి.
అయితే.. ద‌ర‌ఖాస్తుదారులకు ఏమైనా అభ్యంత‌రాలు ఉన్నా సరే.. ఈ వెబ్‌సైట్ ద్వారానే ప్రభుత్వానికి తెలపాల్సి ఉంటుంది. ఇలా సింపుల్‌గా ఇందిరమ్మ ఇంటి దరఖాస్తు స్టేటస్, మంజూరు వివరాలు ఇలా అన్ని వివరాలు సింగిల్ క్లిక్‌లో తెలుసుకోవచ్చు.

.